Aasaan Lagta Hai

Kabhi Teri Rafaqat Se Nikalna Hi Nahi Mumkin,

Kabhi Daaman Chura Lena Bohat Aasaan Lagta Hai,

 

Kabhi Tum Rote Ho To Ajab Mushkil Si Parti Hai,

Kabhi Tujh Ko Mana Lena Bohat Aasaan Lagta Hai,

 

Kabhi Samjha Karo Kuch Faisle Halaat Karte Hain,

Kabhi Waadey Nibha Lena Bohat Aasaan Lagta Hai,

 

Kabhi Kuch Din Tumhare Bin Guzarte Hi Nahi Lekin,

Kabhi Muddat Bita Lena Bohat Aasaan Lagta Hai..