Meri Chahat Ka Taqaza

Meri Chahat Ka Taqaza Na Nibhane Wale,

Kitne Be Dard Hain Yeh Log Zamane Wale,

 

Koi Apna Nahi Matlab Ki Hai Yeh Duniya Sari,

Ab Kahan Milte Hain Woh Log Purane Wale,

 

Main Dua Go Hoon Sada Needein Mubarak Tujh Ko,

Hijar Ka Dard Humein De Kar Jagane Wale,

 

Bas Yeh Soch Kar Har Baar Manata Hoon Tujhe,

Laut K Aate Nahi Rooth Kar Jane Wale,

 

Hamare Seene Mein Jhaank Kar Dekho To Zara,

Kitne Afsurda Hain Auron Ko Hasane Wale...