Barish Ki Barasti Boondon Ne Jab Dastak Di Darwaze Par

Barish Ki Barasti Boondon Ne Jab Dastak Di Darwaze Par,

Mehsoos Hua Tum Aaye Hue Andaaz Tumhare Jaisa Tha,

 

Hawa K Halke Jhonkon Ki Ab Ahat Paayee Khirki Par,

Mehsoos Hua Tum Guzre Ho Ehsaas Tumhare Jaisa Tha,

 

Maine Girti Boondon Ko Rokna Chaha Hathon Par,

Ek Sard Sa Phir Ehsaas Hua Woh Lams Tumhare Jaisa Tha,

 

Tanha Main Chala Phir Barish Mein Tab Ek Jhonke Ne Sath Diya,

Main Samjha Tum Ho Sath Mere Woh Sath Tumhare Jaisa Tha,

 

Phir Ruk Gai Woh Barish Bhi Rahi Na Baki Aahat Bhi,

Main Samjha Mujhe Tum Chor Gaye Andaaz Tumhare Jaisa Tha...