Ab To Gabhra K Yeh Kehte Hain

Ab To Gabhra K Yeh Kehte Hain K Mar Jayen Ge,

Mar K Bhi Chain Na Paaya To Kidher Jayen Ge,

 

Tum Ne Thehrai Agar Ghair K Ghar Jane Ki,

To Iraade Yahan Kuch Aur Thehar Jayen Ge,

 

Khali Aye Charagaro Hon Ge Bohat Marham-Daan,

Par Mere Zakham Nahi Aise K Bhar Jayen Ge,

 

Pahunchen Ge Rehguzar E Yaar Talak Kyun Kar Hum,

Pehle Jab Tak Na Do Aalam Se Guzar Jayen Ge,

 

Shola E Aah Ko Bijli Ki Tarah Chamkaon,

Par Mujhe Dar Hai K Woh Dekh K Dar Jayen Ge,

 

Hum Woh Nahi Jo Karen Khoon Ka Dawa Tujh Par,

Balke Pooche Ga Khuda Bhi To Mukar Jayen Ge,

 

Aag Dozakh Ki Bhi Ho Jaye Gi Paani Paani,

Jab Yeh Asi Arq E Sharam Se Tar Jayen Ge,

 

Nahi Paaye Ga Koi Nishan Hamara Hargiz,

Hum Se Ravish E Teer E Nazar Jayen Ge,

 

Samne Chashm E Gohar Baar K Keh Do Dariya,

Charh K Ghar Aaye To Nazron Se Utar Jayen Ge,

 

Laayi Jo Mast Hain Turbat Mein Gulaabi Aankhen,

Aur Agar Kuch Nahi Do Phool To Dhar Jayen Ge,

 

Rukh E Roshan Se Naqab Apne Ulat Dekho Tum,

Mehr O Maah Nazron Se Yaaron Ki Utar Jayen Ge,

 

Zauq Jo Madrasse K Bigde Hue Hain Mulla,

Un Ko Meh Khane Mein Le Aaon Sudhar Jayen Ge...