Kal Chodhween Ki Raat Thi

Kal Chodhween Ki Raat Thi, Shab Bhar Raha Charcha Tera,

Kuch Ne Kaha Yeh Chand Hai Kuch Ne Kaha Chehra Tera,

 

Hum Bhi Wohin Mojood Thy Hum Se Bhi Sab Ne Poocha K Yeh,

Hum Chup Rahe Hum Hans Diye Manzoor Tha Parda Tera,

 

Iss Shehar Mein Kis Se Milen Hum Se To Chooteen Mehfilen,

Har Shakhs Tera Naam Le Har Shakhs Deewana Tera,

 

Bedard Sunte Ho To Chal Kehta Hai Kya Achi Ghazal,

Aashiq Tera, Ruswa Tera, Shayer Tera, Insha Tera...