Likh Kar Sari Raam Kahani

Likh Kar Sari Raam Kahani Bhejun Ga,

Kaghaz Par Pani Hi Pani Bhejun Ga,

 

Shayed Woh Ab Mujh Ko Na Pehchan Saky,

Main Apni Tasveer Purani Bhejun Ga,

 

Khul Jayen Ge Sare Rasty Mehlon K,

Ab K Aisi Ek Nishani Bhejun Ga,

 

Bhejun Ga Main Yaad Ki Chitti Tohfe Mein,

Ankhein, Baarish, Aur Jawani Bhejun Ga,

 

Kaisi Kaisi Qasmain Khai Thi Us Ne,

Agle Khat Mein Yaad Dihani Bhejun Ga...