Aahat Jo Sunayi Di Hai Hijar Ki Shab Ki Hai,
Yeh Raaye Akele Meri Nahi Hai Sab Ki Hai,
Sunsaan Sarrak Sannata Aur Lambe Saaye,
Yeh Sari Fiza Aye Dil Tere Matlab Ki Hai,
Teri Deed Se Aankhen Jee Bhar K Sairaab Hui,
Kis Roz Hua Tha Aisa Baat Yeh Kab Ki Hai,
Tujhe Bhool Gaye Kabhi Yaad Nahi Karta Tujh Ko,
Jo Baat Bohat Pehle Karni Thi Ab Ki Hai,
Mere Sooraj Aa, Mere Jism Pe Apna Saaya Kar,
Bari Taiz Hawa Hai Sardi Aaj Ghazab Ki Hai.