Is Qadar Musalsal Thin

Is Qadar Musalsal Thin Shiddaten Judai Ki,

Aaj Pehli Baar Us Se Maine Bewafai Ki,

 

Warna Ab Talak Yoon Tha Khuwahishon Ki Barish Mein,

Ya Tu Toot Kar Roya Ya Ghazal Saraayi Ki,

 

Taaj Diya Tha Kal Jin Ko Hum Ne Teri Chahat Mein,

Aaj Us Se Majbooran Taza Aashnaayi Ki,

 

Ho Chala Tha Jab Mujh Ko Bhi Ikhtelaf Apne Aap Se,

Tu Ne Kis Ghari Zalim Meri Hamnawai Ki ?

 

Tanz O Tana O Tohmat Sab Hunar Hain Na Siha K,

Aap Se Koi Pooche Hum Ne Kya Kya Buraayi Ki ?

 

Tark Kar Chuke Qaasid Ko Na Muradaan Ko,

Kon Ab Khabar Laway Shehar E Aashnaayi Ki,

 

Phir Qafas Mein Shor Utha Qaidiyon Ka Aur Sayyad,

Dekhna Ura De Ga Phir Khabar Rehaayi Ki,

 

Dukh Hua Jab Kal Us Dar Pe Faraz Ko Dekha,

Laakh Aib Thy Us Mein Khu Na Thi Gadaayi Ki...